Almaty aýrýhanasynda AITV juqtyrý jaǵdaıy boıynsha qala ákimi pikir bildirdi
Bul týraly qala ákimi Erolat Dosaevtyń Medeý aýdany turǵyndarymen ótken kezdesýde aıtty, dep habarlaıdy Almaty-akshamy.kz.
Kezdesýge kelgen aýdan turǵyndarynyń biri:
«Ortalyq qalalyq klınıkalyq aýrýhanada sáýir aıynda pasıentter AITV-ny juqtyrǵan. Siz bul týraly qashan bildińiz? Qandaı sharalar qabyldandy jáne tergeý kezinde qalalyq densaýlyq saqtaý bóliminiń basshysy, aýrýhana basshylyǵy nge óz oryndarynda? Bul nátıjege qandaı da bir túrde áser etýi múmkin dep oılaısyz ba»? - degen suraq qoıdy.
Oǵan Almaty ákimi Erbolat Dosaev:
«Bizde tergeý joq, tekserý bar. Densaýlyq saqtaý mınıstriniń tıisti buıryǵy aıasynda reanımasıadan soń 30 kúnnen keıin pasıentter testilerdi qaıta tapsyrýǵa mindetti. 2 jaǵdaı anyqtaldy ( keıin taǵy 1 jaǵdaı anyqtaldy, jalpy sany - 3). Bekitilgen reglamentke sáıkes qalalyq JITS ortalyǵymen birlesip jumys júrgizildi: barlyq resıpıentter, medısınalyq personal, reanımasıada bolǵan basqa da pasıentter tolyq tekserildi. Osydan keıin reglamentke sáıkes 13 maýsymda barlyq derekter sanıtarlyq-epıdemıalyq baqylaý departamentine (SSEK) berildi. 14 maýsymda SSEK qajetti kezekten tys tekserýlerdi taǵaıyndady, olar boıynsha búginde jumys jalǵasýda. Keshe Densaýlyq saqtaý mınıstrligi aralyq nátıjelerdi jarıalady. Bireýdi qyzmetinen bosatý úshin aldymen bári qaıdan shyqqanyn túsiný kerek (ınfeksıa kózi qaıda boldy). Komısıa jumysyn aıaqtaǵan kezde Densaýlyq saqtaý mınıstrligi men Almatynyń qoǵamdyq densaýlyq saqtaý basqarmasy bul týraly habarlaıdy. Biz bárin baqylaýda ustaımyz»,- dep jaýap berdi.