Joba eki jyldan beri júzege asyrylyp keledi.
Bul týraly Óńirlik komýnıkasıalar qyzmeti brıfıńiniń barysynda AITV epıdemıasyn baqylaý boıynsha almatylyq modeli jobasynyń dırektory, Kolýmbıa ýnıversıteti janyndaǵy ICAP Mıra Saýranbaeva aıtty, dep habarlaıdy Almaty-akshamy.kz.
«Atalǵan joba AITV-men kúres jónindegi «Qalalar-modelder» RADIAN Elton Djon qorynyń aýqymdy bastamasynyń aıasyndaǵy alǵashqy joba bolyp otyr. Onyń maqsaty – qalanyń barlyq turǵyndaryna stıgmatızasıasyz jáne kemsitýsiz AITV-ınfeksıasynyń tıimdi aldyn alý, testileý jáne emdeýge kedergisiz qoljetimdilikti qamtamasyz etý úshin turaqty, keshendi jáne tıimdi qalalyq baǵdarlama qurý», - dedi M.Saýranbaeva.
Joba qala ákimdigimen, Almaty qalalyq qoǵamdyq densaýlyq saqtaý basqarmasymen, JITS-tiń aldyn alý jáne oǵan qarsy kúres ortalyǵymen jáne úkimettik emes uıymdarmen birlese jumys isteıdi.
Joba aıasynda zamanǵa saı aqparattyq tehnologıalar men qupıalyq saqtaýdyń prınsıpterin qoldana otyryp, AITV-ǵa testileýge tapsyrys berýdiń onlaın zamanaýı ádis-tásilderi júzege asyrylýda. Patronajdy meıirbıke kútimi modeli de iske asyrylýda. Onyń maqsaty - antıretrovırýstyq terapıa alatyn AITV-men ómir súretin egde jastaǵy adamdardy emdeý nátıjelerin jaqsartý.
«2021 jyldan bastap qalada tek Qazaqstanda ǵana emes, Shyǵys Eýropa men Ortalyq Azıa óńirlerinde baılanysqa deıingi aldyn alý baǵdarlamasy sátti júzege asyrylýda. Úıretý týrlarynyń aıasynda JITS ortalyǵynyń qyzmetkerleri men ÚEU Qyrǵyzstannan, Tájikstannan, Reseıden jáne Qazaqstannyń basqa aımaqtarynan kelgen áriptesterimen ózara árekettesý tájirıbesimen bólisti», - dep jalǵastyrdy ÓKQ brıfıńine qatysýshy.
Jobada ártúrli sıfrlyq tehnologıalar belsendi túrde qoldanylady: baılanysqa deıingi aldyn alýda dári-dármek alý úshin dárigerge barý týraly avtomatty SMS eskertýler, seriktester habarlamalarynyń balamaly túrleri, áleýmettik jelilerde, messendjerlerde aqparattandyrý keńinen qoldanylady. «Pasıent mektebi» Telegram boty» ázirlendi, onda emdelýshiler dárigerge, psıhologqa, keńes berýshige suraqtar qoıyp, AITV-men ómir súretin adamdarǵa arnalǵan ózara kómek kórsetý tobynyń onlaın chatyna qosyla alady. Joba júzege asyrylǵan eki jyl ishinde qoǵamdyq uıymdardyń kúshimen halyqtyń negizgi toptarynyń 6 myńnan astam ókili túrli profılaktıkalyq, áleýmettik jáne quqyqtyq qyzmettermen qamtyldy.
Almaty modeliniń tájirıbesi Kanadanyń Monreal qalasynda ótken JITS boıynsha 24-shi Halyqaralyq konferensıasynda jáne Ispanıanyń Sevılá qalasynda «FAST-TRACK CTIES 2022: JITS epıdemıasynyń aıaqtalýy jolynda» konferensıasynda tanystyrylǵan.