Kúdikti bas salynǵan qolyndaǵy paketti bazardaǵy shujyq satatyn dúkenge tastap ketken.
Orda.kz-tiń jazýynsha, kúdikti retinde 60 jastaǵy er adam ustalǵan. Ol kóz jumǵan áıelmen birge turdy degen boljam bar.
Aıta keteıik, kúdikti bas salynǵan qolyndaǵy paketti shamamen saǵat 12-niń kezinde shujyq satatyn dúkenge tastap ketken. Oǵan deıin bazar ishin arly-berli 3-4 ret aınalyp júrgen kórinedi.
Satýshy paketti ashqanda ishindegi basty kórip, esinen tanyp qala jazdaǵan.
Sol kúni bazar janyndaǵy saıabaq mańyndaǵy qaraýsyz qalǵan ǵımarat janynan tańǵy saǵat 9-dyń shamasynda áıeldiń máıiti tabylǵan. Jeke basy anyqtaldy. 1976 jyly týǵan áıel buryn birneshe ret sottalǵan.
Oqıǵaǵa qatysty Almaty qalasy PD resmı ókili Saltanat Ázirbek: «Turaqty turǵylyqty jeri joq, buryn esirtki qylmysy úshin birneshe ret sottalǵan. Biraz ýaqyttan keıin sol mańdaǵy saýda oryndarynyń birinen áıeldiń basy tabyldy. Qazirgi ýaqytta atalǵan derek boıynsha, Túrksib aýdandyq polısıa basqarmasymen Qylmystyq kodekstiń 99-baby boıynsha qylmystyq is tirkeldi. Qylmystyń mán-jaıy anyqtalyp jatyr», – dedi.
Tergeý áli de júrgizilip jatyr.
Foto: orda.kz