Almaty qalasynda áleýmettik jeli arqyly jábirlenýshini aldap, qylmys jasaǵan kúdiktiler ustaldy, - dep habarlaıdy Aqshamnews.kz.
Buǵan deıin áleýmettik jelide qylmyskerler ózin áıel retinde kórsetip, er adamdarmen tanysqan birneshe jaǵdaı tirkelgen. Habarlamalar almasyp, jábirlenýshiniń páterine kezdesý uıymdastyrǵannan keıin onyń "tanystary" kelip, ózderin aǵasy nemese týysy dep tanystyrady. Olar jynystyq sıpattaǵy zorlyq-zombylyq týraly shaǵym túsiremiz dep qorqytyp, aqsha bopsalaǵan.
Osyndaı oqıǵalardyń biri Jetisý aýdanynyń polısıa qyzmetkerlerimen jedel túrde áshkerelendi. Nátıjesinde úsh kúdikti ustaldy: áıel adam men onyń eki sybaılasy. Barlyǵy ýaqytsha ustaý ızolátoryna qamaldy. Atalǵan derek boıynsha qylmystyq is qozǵalyp, sotqa deıingi tergeý júrgizilip jatyr.
- Qala turǵyndaryn eskertemiz, ınternet arqyly tanysý árdaıym qaýip tóndirýi múmkin. Sondyqtan beıtanys adamdarǵa senbeýge, saq bolýǵa, eger qorqytý nemese bopsalaý jaǵdaıy bolsa, dereý polısıaǵa habarlaýǵa shaqyramyz. Árbir osyndaı derek muqıat tekserilip, kináliler zańǵa sáıkes jaýapkershilikke tartylady, – dedi Jetisý aýdandyq polısıa basqarmasynyń bastyǵy Jánibek Shynasylov.