Almaty oblysy ákiminiń ókimimen Ǵanı Maılybaev 2025 jylǵy 3 qazannan bastap Almaty oblysy ákiminiń orynbasary laýazymyn atqarady, - dep habarlaıdy Aqshamnews.kz.
Bul týraly oblys ákimdiginiń baspasóz qyzmeti habarlady.
Ǵanı Aıdaruly Maılybaev 1987 jyly týǵan. Bilimi — joǵary. 2008 jyly Abaı atyndaǵy qazaq ulttyq pedagogıka ýnıversıtetin «qarjy» mamandyǵy, 2018 jyly Reseı Federasıasy Prezıdentiniń janyndaǵy Reseı halyq sharýashylyǵy jáne Memlekettik qyzmet akademıasyn «aımaqtyq jáne mýnısıpaldy basqarý» mamandyǵy boıynsha bitirgen, 2010 jyly Abaı atyndaǵy qazaq ulttyq pedagogıka ýnıversıtetinde «quqyq jáne ekonomıka negizderi» mamandyǵy boıynsha magıstr dárejesin alǵan.
Eńbek jolyn 2008 Almaty qalasy «Nur Otan» partıasy Bostandyq aýdandyq fılıalynyń esep jáne statısıka sektorynyń meńgerýshisi bolyp bastaǵan.
Ár jyldary Almaty qalasy «Nur Otan» partıasy Alataý aýdandyq fılıalynyń zańger-konsýltanty, Medeý aýdandyq fılıaly tóraǵasynyń birinshi orynbasary, Almaty qalasy Medeý, Naýryzbaı aýdandary ákiminiń orynbasary, Jambyl oblysy týrızm basqarmasynyń basshysy laýazymdaryn atqarǵan.
2020 jyldyń jeltoqsan aıynan bastap Almaty qalasy mádenıet basqarmasynyń basshysy laýazymynda qyzmet etti.