Oqýshylar №30 emhanada Pfizer vaksınasyn saldyrǵan
Almatyda aǵaıyndy eki oqýshy mektepte alǵashqylardyń biri bolyp Pfizer vaksınasyn aldy, dep habarlaıdy Almaty-akshamy.kz QazAqparat agenttigine silteme jasap.
Aıbar men Aıbek Almaty qalasyndaǵy №147 gınazıada oqıdy. Eki baýyr búgin №30 emhanada Pfizer kompanıasynyń Comirnaty vaksınasyn saldyrdy.
«Men 16 jastamyn, inim 14 jasta. Búgin ózimiz tirkelgen emhanaǵa anamyzben kelip koronavırýs vaksınasyn saldyrdyq. Eń aldymen dáriger dene qyzýymyzdy, qan qysymyzdy tekserdi. Ekpe alǵan soń jarty saǵat medısına qyzmetkeriniń baqylaýynda boldyq. Ekeýmizde de janama áser bolǵan joq. Álemdi sharpyǵan dertti tek vaksına jeńetinin kúnde estip, teledıdardan kórip júrmiz.Sondyqtan men synyptastarymdy, dostarymdy vaksına alýǵa shaqyramyn», - deıdi Aıbar Dúısen.
Al, Dúısen Aıbektiń aıtýynsha, vaksına almas buryn ata-anasy ekpeniń mańyzdylyǵyn túsindirgen.
«Ákem men anam bizben vaksına týraly sóılesti. Onyń mańyzdylyǵy men paıdasy týraly aıtty. Sodan keıin, baryp «vaksına saldyramyz» degen ortaq sheshimge keldik. Meniń atam, apam, qaryndasym men kishkentaı inim bar. Men ol kisilerdiń aývryp qalǵanyn qalamaımyn. Sondyqtan vaksına saldyrýǵa birden kelisim berdim. Kókem de men de synybymyzda alǵashqylardyń biri bolyp egildik»,- deıdi Aıbek Dúısen.
Qoǵamdyq densaýlyq basqarmasynyń málimetinshe, Almatyda 2 947 jasóspirim vaksına saldyrdy.