Olar sot sheshimimen elden shyǵaryldy.
"Nelegal" respýblıkalyq is-sharasy barysynda Almatyda Afrıka qurlyǵynyń 29 azamaty ustaldy, dep habarlaıdy Almaty-akshamy.kz
"Maqsat – zańsyz júrgen sheteldikterdi anyqtaý, sondaı-aq zańsyz kóshi-qon arnalarynyń jolyn kesý. Osylaısha, profılaktıkalyq is-sharalardy júrgizý barysynda Afrıka qurlyǵynyń 29 azamaty ustalyp, jaýapkershilikke tartyldy, olardyń 9-y sot sheshimimen Qazaqstan Respýblıkasynan shyǵaryldy, taǵy úsheýi jeke basyn kýálandyratyn qujattary joq bolǵandyqtan PD-niń qabyldap-taratýyna ornalastyryldy. Atalǵan sheteldikterdiń Qazaqstannan der kezinde ketpeı, zańsyz turyp jatqany belgili boldy. Qazirgi ýaqytta qabyldaýshy adamdardy ákimshilik jaýapkershilikke tartý maqsatynda anyqtaý jumystary júrgizilýde", - dedi Almaty qalalyq PD Kóshi-qon qyzmeti Basqarmasynyń bastyǵy, polısıa polkovnıgi Asqat Býtýnchınov.