Almatyda polısıa taǵy bir tonaýdyń betin ashty
Bul joly eki adam ustaldy. Olar keshke qaraı Myńbaev kóshesindegi úılerdiń biriniń kireberisinde jergilikti turǵyndy kútip turyp, kúsh kórsetem dep qorqytyp, onyń telefonyn tartyp alǵan,dep habarlaıdy aqshamnews.kz.
– Bul qylmysty bizdiń bólimshe men Bostandyq aýdandyq PB-na qarasty polısıa bóliminiń qyzmetkerleri «izin sýytpaı» ashty. Eki kúdikti de ustalyp, qamaýǵa alyndy. Olardyń biri buryn qaraqshylyq shabýyl jasaǵany úshin sotty bolǵan. Aıtpaqshy, bul joly da beınebaqylaý kameralary qylmysty ashýda jaqsy ról atqardy. Adamdy tonaý deregi boıynsha qylmystyq is qozǵaldy. Ustalǵandardyń jeke basy basqa da yqtımal qylmystyq epızodtarǵa qatysy bar-joǵyna tekserilýde, – dedi Almaty qalalyq PD krımınaldyq polısıa basqarmasynyń bastyǵy Talant Isaev.
QR QK-niń 201-babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77-baby 3-bólimi 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.