Almatyda QR Prezıdenti janyndaǵy Adam quqyqtary jónindegi komısıa «Qazaqstandaǵy adam quqyqtaryn qorǵaýdyń ulttyq jáne halyqaralyq tetikteri» taqyrybynda oqytý semınar-trenıngin ótkizdi, - dep habarlaıdy aqshamnews.kz.
Semınar-trenıngke Almaty qalasynyń jergilikti quqyq qorǵaý jáne sot organdarynyń, halyqty áleýmettik qorǵaý, bilim berý, densaýlyq saqtaý jáne mádenıet mekemeleriniń basshylary men qyzmetkerleri, sondaı-aq advokatýra ınstıtýtynyń, azamattyq qoǵam jáne jastar uıymdarynyń ókilderi, sondaı-aq Almaty qalasyndaǵy joǵary oqý oryndarynyń stýdentteri men magıstranttary qatysty.
Semınar-trenıng tyńdaýshylarynyń aldynda Almaty qalasy ákimdiginiń Qoǵamdyq damý basqarmasynyń basshysy Aıdar Esenbekov, QR Prezıdenti janyndaǵy Adam quqyqtary jónindegi komısıa tóraǵasynyń orynbasary Tastemir Ábishev, Eýropadaǵy qaýipsizdik jáne yntymaqtastyq uıymynyń Astanadaǵy Baǵdarlamalar Ofısi Basshysynyń mindetin atqarýshy Iýrıı Fenopetov jáne Ortalyq Azıadaǵy Shekaralardy basqarýǵa járdemdesý baǵdarlamasynyń (BOMKA) óńirlik menedjeri Marıs Domınsh quttyqtaý sóz sóıledi.
Semınar-trenıngte Qazaqstan Respýblıkasyndaǵy adam quqyqtaryn qorǵaýdyń ulttyq jáne halyqaralyq júıesi zerdelendi. Adam quqyqtary jónindegi ulttyq mekemelerdiń sot jáne quqyq qorǵaý organdarymen, basqa da memlekettik organdarmen, sondaı-aq halyqaralyq uıymdarmen jáne azamattyq qoǵam ınstıtýttarymen ózara is-qımyl tetikteri qaraldy.
Semınarda Qazaqstan Respýblıkasy azamattarynyń, sondaı-aq Qazaqstan aýmaǵynda turaqty nemese ýaqytsha turatyn ózge de adamdardyń azamattyq, eńbek, áleýmettik-ekonomıkalyq jáne mádenı quqyqtaryn qorǵaýdyń ózekti máseleleri talqylandy. Budan basqa, semınarda turmystyq zorlyq-zombylyqqa jáne adam saýdasyna qarsy is-qımyl salasyndaǵy adam quqyqtaryn, sondaı-aq áıelder men balalardyń, múgedektigi bar adamdardyń quqyqtaryn qorǵaýdyń ózekti máseleleri ortaǵa salyndy.
Semınar-trenıng barysynda qatysýshylar adam quqyqtaryn qorǵaý jáne kótermeleý salasynda tájirıbe almasty. Komısıa músheleri tyńdaýshylardy qyzyqtyrǵan suraqtarǵa jaýap berdi.