Asa aýyr qylmys búgin tańerteń qalanyń Bostandyq aýdanynda oryn aldy.
Habarlama saǵat 08:59-da “102” púltine kelip tústi. 1975 jyly týǵan Sh.esimdi azamat ańshy myltyǵynan oq atqan qaskóıdiń qolynan kóz jumdy, dep habarlaıdy Almaty-akshamy.kz Polisia.kz-ke silteme jasap.
«Bul qylmys izi sýymaı ashyldy. Kúdikti qalada engizilgen “Ustaý” arnaıy jospar barysynda Almaty qalasy, Alataý aýdany aýmaǵynda quryqtaldy. Qylmystyq qarý tárkilendi. Kisi óltirý sebebi anyqtalýda», – dedi Almaty qalalyq polısıa departamentiniń basshysy Qanat Taımerdenov.