Almatyda Ulttyq qaýipsizdik komıteti men polısıa qyzmetkerleri eki adamdy ustady, - dep habarlaıdy aqshamnews.kz tilshisi.
Bıyl 14 shildede UQK Almaty Polısıa departamentimen birlesip, 2025 jyly mamyrda Óskemen turǵynyn urlap óltirgen, kúdikti toptyń eki múshesin ustaý boıynsha operasıa júrgizdi.
"Olar 2025 jylǵy maýsymnan izdeýde bolǵan. Olarǵa qatysty eki aıǵa qamaýǵa alý bultartpaý sharasy taǵaıyndaldy. Olar ýaqytsha ustaý ızolátoryna qamaldy", - delingen habarlamada.
Sondaı-aq, izdestirilip jatqan adamdardy qasaqana jasyryp júrgen Almaty turǵynyn qylmystyq jaýapkershilikke tartý máselesi de sheshilip jatyr.
Qylmystyq-prosestik kodekstiń 201-baby 1-bóligine sáıkes ózge aqparat jarıa etýge jatpaıdy.