Ekibastuzda kásiporyndar 971 mln teńge salyqty búdjetke tolyq qaıtardy, - dep habarlaıdy aqshamnews.kz.
Prokýratýra júzdegen mıllıon teńgege salyqtyń tómendetilgenin anyqtady. Ekibastuz qalasynyń prokýratýrasy qadaǵalaý qyzmeti barysynda óńirdegi iri kásiporyndardyń salyqty tolyq ári ýaqytyly tólemegenin anyqtady.
«B. Nurjanov atyndaǵy Ekibastuz GRES-1» JSHS-i jabdyqtardy jóndeý kezinde kiris ákeletin qyzmetke qatysy joq taýarlar, jumystar men qyzmetter boıynsha somalardy shegerimge jatqyzǵan. Nátıjesinde 421 mln teńge kóleminde salyq tólenbegen.
Sondaı-aq, «Qazaqstandyq vagon jasaý kompanıasy» JSHS-niń qyzmetinde ónimdi ótkizý aınalymynyń tómendegeni anyqtalyp, bul da búdjetke túsetin túsimge áser etken — tólenbegen salyq somasy 550 mln teńge boldy.
Qadaǵalaý aktisi negizinde salyq organdary kameraldyq baqylaý júrgizip, salyq tóleýshilerdiń qatysýymen ákimshilik tyńdaýlar uıymdastyryldy.
Júrgizilgen jumystardyń nátıjesinde anyqtalǵan barlyq buzýshylyqtar joıylyp, kásiporyndar salyq mindettemelerin óz erkimen oryndap, jetispeıtin soma tolyq kólemde memlekettik búdjetke aýdaryldy.