Qozǵalystyń negizgi mindeti - zań qoǵamdastyǵynyń saılaý naýqanynyń barysyn quqyqtyq monıtorıńileý jáne saılaý prosesine qatysýshylarǵa saılaý zańnamasyn qoldaný tártibin túsindirý. Shtabqa Qazaqstanda jáne shetelde tanymal zańgerler kirdi.
Óńirlik komýnıkasıalar qyzmetiniń alańynda «Qazaqstan zańgerler odaǵy» Almaty fılıalynyń tóraǵasy Baýyrjan Maqulbaevtyń qatysýymen baspasóz konferensıasy ótti. Ol sondaı-aq «Ádil saılaý úshin» qalalyq shtabyn basqarady, dep habarlaıdy Almaty-akshamy.kz.
B. Maqulbaevtyń aıtýynsha, olar saılaý naýqanynyń barysyn monıtorıńteý sheńberinde BAQ-pen, úkimettik emes jáne halyqaralyq uıymdarmen ózara is-qımyldy kúsheıtýge baǵyttalǵan.
Baýyrjan Maqulbaev aldaǵy prezıdenttik saılaý taqyryby boıynsha suraqtarǵa jaýap berdi. Prezıdenttikke kandıdattarǵa qoıylatyn talaptar týraly aıtyp berdi. Sondaı-aq, daýys berýge qatysqan saılaýshylardyń 50%-dan astam daýysyn jınaǵan jáne qaıta daýys berý kezinde kóbirek daýys jınaǵan kandıdat Respýblıka Prezıdenti bolyp sanalatynyn habarlady.
«21 qyrkúıekte Memleket basshysy Qasym-Jomart Toqaev Prezıdenttiń kezekten tys saılaýyn taǵaıyndaý týraly Jarlyqqa qol qoıdy. Saılaý 2022 jyldyń 20 qarashasynda ótedi. Kezekten tys prezıdenttik saılaý Respýblıka Prezıdentiniń sheshimimen taǵaıyndalady jáne olar taǵaıyndalǵan kúnnen bastap eki aı ishinde ótkiziledi», - dep eske saldy ÓKQ spıkeri.
Baýyrjan Maqulbaev QR-daǵy saılaýlarda qalaı baqylaýshy bolatyny týraly áńgimeler aıtty.
«QR azamaty baqylaýshy bolý úshin 18 jastan asqan jáne saıası partıalardan, ózge de qoǵamdyq birlestikterden, komersıalyq emes uıymdardan baqylaýshy ókilettigi bolýy kerek», - dedi spıker.
Sondaı-aq, B.Maqulbaev 20 qarashada jalpyhalyqtyq daýys berý qorytyndysy boıynsha jeńiske jetken kandıdat 7 jyl merzimge Qazaqstannyń kelesi prezıdenti bolyp saılanatynyn aıtty.
Saılaý naýqany 2022 jylǵy 21 qazan saǵat 18:00-de bastalyp, 2022 jylǵy 19 qarasha saǵat 00:00-ge deıin 28 kúnge sozylady. Onymen qosa ózindik talaptary bar. 19 qarasha - únsizdik kúni bolady.
«QR-daǵy saılaý týraly" zańǵa sáıkes, saılaý kúni jáne onyń aldyndaǵy kúni kez kelgen saılaý aldyndaǵy úgit-nasıhatqa tyıym salynady. Saılaý aldyndaǵy úgit kandıdattardy tirkeý merzimi aıaqtalǵan sátten bastalady jáne saılaý kúniniń aldyndaǵy kúnniń jergilikti ýaqyty boıynsha nól saǵatta aıaqtalady.
Saılaý qorytyndylary olar ótkizilgennen keıin jeti kún merzimnen keshiktirilmeı shyǵarylatyn bolady.