2022 jyldyń 9 aıynda óńdeýshi ónerkásiptiń jıyntyq kórsetkish 104,6 paıyzdy qurady.
Bul týraly Úkimet otyrysynda QR Indýstrıa jáne ınfraqurylymdyq damý mınıstri Qaıyrbek Óskenbaev aıtty, dep habarlaıdy Almaty-akshamy.kz.
«2022 jyldyń toǵyz aıdyń qorytyndysy boıynsha, óńdeýshi ónerkásipte oń úrdis baıqalyp, jıyntyq kórsetkish 104,6 paıyzdy qurady. Mashına jasaý salasynda 7,6 paıyz deńgeıinde turaqty ósimdi kórsetip otyr. Avtokólik quraldaryn, treılerler men jartylaı tirkemelerdi shyǵarý, kompúterler, elektrondyq jáne optıkalyq jabdyqtar óndirisi, elektr jabdyqtary óndirisi, basqa toptamalarǵa engizilmegen mashınalar men jabdyqtar óndirisi, mashınalar men jabdyqtardy jóndeý jáne ornatý artty», - dedi mınıstr.
Onyń dereginshe, tústi metalýrgıada naqty kólem ındeksi 108,1 paıyzdy qurady.
«Tazartylǵan mys, quıma altyn, túıirshikterdegi kúmis, tazartylǵan qorǵanys, katodty mys jáne tazartylǵan altyn shyǵarý kólemi ulǵaıdy. Qara metalýrgıada naqty kólem ındeksi 100 paıyzdy qurady. Ferrosılısıı, armatýralyq ılek, relster, fason prokaty, bolat qubyrlary jáne feroqorytpalar óndiristeriniń kólemi ósti», - dedi Qaıyrbek Óskenbaev.
Mınıstrdiń atap ótýinshe, jeńil ónerkásipte óndiris 10,2 paıyzǵa ósti. Oǵan toqyma buıymdary, kıim jáne bylǵary ónimder óndirisiniń ósýi oń áser etti.
«Hımıa ónerkásibinde óndiris kólemi 10,7 paıyzǵa artty. Azyqtyq fosfattyń trıkalsııi men amofos kólemi ósti», - dedi ol.