Qalanyń eń qart turǵyndary búgingi saılaýǵa belsendi qatysýda.
Uly Otan soǵysynyń ardageri Olga Savenko óz eliniń órkendeýine alǵashqylardyń biri bolyp daýys berdi, dep habarlaıdy Almaty-akshamy.kz.
Olga Andreevna Uly Otan soǵysynyń barlyq jaýyngerlik joldarynan ótti – Mınskiden Berlınge deıin. Uly Otan soǵysyna Almatynyń týmasy 1941 jyldan bastap, Jeńis sońyna deıin qatysty. 9 mamyrda ardager 100 jasqa tolady.
Olga Andreevna Qazaqstanda jáne álemde bolyp jatqan oqıǵalarǵa qyzyǵýshylyq tanytady. Uzaq ómir boıy ol elde ótken barlyq saılaý kompanıalaryna qatysty. Árıne, ardager el úshin Parlament Májilisi men máslıhattarǵa saılaý sıaqty aıtýly oqıǵany jibere almady.
Almatynyń eń qart turǵyny saılaý ýchaskesine jeke kelýdi josparlaǵan, biraq, ókinishke oraı, densaýlyǵyna baılanysty bara almady, Sondyqtan "ýchaske" onyń úıine keldi. Saılaý komısıasynyń músheleri uzaq ómir súrgen anaǵa arnaıy bardy.
"Búgingi saılaý – men úshin mańyzdy oqıǵa. Óıtkeni, bizdiń nemerelerimiz, shóberelerimiz qalaı ómir súretini meniń jáne ár azamattyń daýysyna baılanysty bolady. Men óz Otanymdy, Qazaqstandy shyn júrekten jaqsy kóremin, Týǵan qalam Almatyǵa shyn júrekten qoldaý kórsetemin. Búgin elimizde Prezıdent Qasym-Jomart Toqaevtyń basshylyǵymen bolyp jatqan reformalar halqymyzdyń odan ári órkendeýi, qazaqstandyqtardyń beıbit bolashaǵy úshin berik irgetas qalaýda", – dedi ardager.