Almatyda 900-den astam tergeý tutqynyndaǵylar daýys berdi

Búgin Almaty qalasyndaǵy №72 mekemesindegi (tergeý ızolátory) tergeý tutqynyndaǵylar da ertemen mekemede ornalasqan saılaý ýchaskesine kelip, daýys berdi. 
QR Qylmystyq-atqarý kodeksiniń 104-babynyń 3-bóliginde kózdelgendeı, sot úkimi boıynsha bas bostandyǵynan aıyrý oryndarynda ustalatyn sottalǵandardan basqa kúdiktilerdiń saılaýǵa qatysýǵa quqyqtary bar. Atalǵan sanatqa tergeý tutqynyndaǵylar men sottyń úkimi áli kúshine enbegen, jasy on segizge tolǵandar jatady. 
Kezekten tys Prezıdent saılaýyn uıymshyldyqpen ótkizýge Almaty qalasy boıynsha Qylmystyq-atqarý júıesi departamentine qarasty №72 mekemesinde Almaty qalasy, Túrksib aýdany ákiminiń sheshimimen tergeý ızolátory ornalasqan aýmaq boıynsha №479 saılaý ýchaskesi qurylyp, ýchaskelik saılaý komısıasynyń músheleri bekitildi.
Osyǵan oraı Prezıdent saılaýyn ótkizý úshin 5 kabına jabdyqtaldy.  Kezekten tys prezıdent saılaýy kúni 908 tergeý tutqynyndaǵy jáne sot úkimi zańdy kúshine enbegender daýys berdi»,  - deıdi №479 saılaý ýchaskesiniń tóraǵasy, ádilet podpolkovnıgi A.Amanjolov.
Mekemede ustaý rejımin saqtaý maqsatynda ızolátorlardyń kameralarynan daýys beretin ýchaskege deıin qosymsha posttar uıymdastyrylyp, daýys berýshilerdiń qozǵalys marshrýty bekitilgen.