Almatyda basty jańa jyldyq shyrsha shamy jaǵyldy
Almatyda bir mezette 80 jańa jyldyq shyrshanyń shamy jaǵylyp, bul merekelik maýsymnyń sımvoldyq bastalýyn kórsetti, dep habarlaıdy aqshamnews.kz.
Abaı alańynda Almatynyń basty jańa jyldyq shyrshanyń shamyn jaǵý rásimi ótti. Onyń bıiktigi 25 metr. Bıyl megapolıs shyrshasy alǵash ret klasıkalyq stılde jasalyp, qańqaly emes, tabıǵı dińdi boldy. Shyrshany bezendirý úshin alty metr gırlánda, túrli-tústi sharlar men jańa jyldyq oıynshyqtar qoldanylǵan.
Rásimge aýa raıy ertegideı erekshe atmosfera syılady: jańa jyldyq arýdyń aınalasyn sıqyrly qar qorshap turdy, al mamyqtaı appaq qar ulpalary megapolıstiń basty shyrshasyn bezendirip turdy.
8 myńnan astam almatylyq pen megapolıs qonaqtary qazaqstandyq estrada juldyzdarynyń qatysýymen ótken keremet shoýdy tamashalady.
«Men jas oryndaýshylardy qoldap, quttyqtaý úshin keldim. Shyrsha óte ádemi, bári tamasha uıymdastyrylǵan. Konsert te keremet ótti, al qarly aýa raıy naǵyz jańajyldyq kóńil-kúı syılady», – dedi megapolıs turǵyny Sergeı Dmıtrıevıch.
Konserttik baǵdarlamany «BS band» úrmeli orkestri ashyp, jańajyldyq áýenderden popýrrı oryndady. Roza Rymbaevanyń sahnaǵa shyǵýy erekshe merekelik kóńil-kúı syılady. Halyq ártisi «Sneg ıdet» jáne «Juldyzdy jańa jyl» ánderin oryndap, keshti jylýlyq pen jaǵymdy emosıaǵa toltyrdy.
Búgin almatylyqtar men qala qonaqtaryna jańajyldyq kóńil-kúıdi Nazym Ábildına, Mádı Rymbaev, Dınara jáne Baljan Bıdash syılady. Ásirese jastar «ALPHA» toby, Dakelot, «ASTRA» toby, Malıka YES jáne Adil ónerin asyǵa kútti.
«Men Jańa jyldy qatty jaqsy kóremin. Mundaı sharalar baqyt syılaıdy. Mundaı keremet merekeni uıymdastyrǵan ákimdikke alǵysym sheksiz. Jaýǵan qar da erekshe atmosfera syılap, bári óte ertegideı boldy», – dedi Almaty turǵyny.
Turar-dyń «Jańa jyl» ánimen qaladaǵy alǵashqy jańajyldyq konsert aıaqtalyp, kórermenderge mereke aldyndaǵy keremet kóńil-kúı syılady.
Ertegidegideı atmosferany kúımedegi Kúlbıke, Zimbir adam, buǵylar jáne basqa da keıipkerler beınelengen kórkem bezendirý elementteri, jarqyraǵan fotoaımaqtar men jaryq ınstallásıalary tolyqtyrdy.
Aıta keteıik, qaladaǵy barlyq aýdanda shyrsha jaǵý rásimderi konsertter men ártúrli sharalarmen birge uıymdastyrylyp, turǵyndar men qonaqtarǵa merekelik kóńil-kúı syılady.
Sondaı-aq búgin Abaı alańynda basty jańa jyldyq jármeńke ashyldy. Ol 2025 jyldyń 5 qańtaryna deıin jumys istep, turǵyndar men qonaqtarǵa kádesyılar, qolóner sheberleriniń buıymdary men merekelik áshekeıler usynady.