Almatynyń qansha densaýlyq saqtaý nysany rekonstrýksıalanady, modernızasıalanady jáne 2024 jyly qansha qurylys aıaqtalady, dep habarlaıdy almaty-akshamy.kz
Almatyda máslıhattyń kezekten tys XII sesıasy ótýde. Qala ákimi Erbolat Dosaev densaýlyq saqtaý nysandaryn modernızasıalaý, rekonstrýksıalaý jáne olardyń qurylysyn aıaqtaý josparlary týraly aıtyp berdi.
"2024 jyly Balalarǵa shuǵyl medısınalyq kómek ortalyǵynyń operasıalyq blogy bar qabyldaý bólimshesiniń qurylysy jáne Qalalyq kardıologıalyq ortalyqtyń ǵımaratyn rekonstrýksıalaý aıaqtalady, sondaı-aq jalpy somasy 2,7 mlrd.teńgege 7 densaýlyq saqtaý uıymyna kúrdeli jóndeý júrgiziledi", - dedi Erbolat Dosaev.
Budan basqa, JSQ ázirleý aıaqtalyp, 4 jańa stasıonardyń qurylysy jáne 5 qoldanystaǵy stasıonardy modernızasıalaý bastalady.
Medısınalyq jáne tehnologıalyq jabdyqtardy, sondaı-aq 49 jańa jedel medısınalyq járdem avtokóligin satyp alý úshin 15,5 mlrd.teńge bólý josparlanýda, bul medısınalyq jabdyqtarmen jaraqtandyrýdy normatıvterdiń 80%-ǵa deıin jetkizýge múmkindik beredi.
Ákimniń aqparaty boıynsha, 2023 jyldyń 11 aıynyń qorytyndysy boıynsha aǵymdaǵy jyly qabyldanǵan sharalar ólim – jitimdi 9%-ǵa jáne syrqattanýdy 10,8%-ǵa, sábılerdiń syrqttanýyn 43%-ǵa tómendetýge múmkindik berdi.