Almaty polısıasy “Mıgrant” is-sharasyn qorytyndylady.
Almatyda “Mıgrant” is-sharasy aıaqtaldy. 31 shilde men 3 tamyz aralyǵynda qalada “Mıgrant” jergilikti jedel aldyn alý is-sharasy ótti, dep habarlaıdy aqshamnews.kz Polisia.kz-ke silteme jasap.
İs-sharanyń maqsaty – quqyqtyq tártip pen qoǵamdyq qaýipsizdiktiń jaı-kúıine baqylaýdy kúsheıtý, kóshi-qon zańnamasy salasyndaǵy quqyq buzýshylyqtardyń jolyn kesý.
– Shetel azamattarynyń Qazaqstan Respýblıkasynyń aýmaǵynda bolý erejelerin buzý derekteri boıynsha shetel azamattaryna qatysty 551 ákimshilik hattama toltyryldy. Halyqtyń kóshi-qony salasyndaǵy zańnamany buzǵany úshin QR-nyń 168 azamaty jaýapkershilikke tartyldy. Sondaı-aq jergilikti atqarýshy organdardyń tıisti ruqsatynsyz sheteldik jumys kúshin tartqan 24 jumys berýshi azamat ákimshilik jaýapkershilikke tartyldy, – deıdi Almaty qalalyq PD kóshi-qon qyzmeti basqarmasynyń bastyǵy Asqat Býtýnchınov.