Almaty polısıasy kúzet qyzmetin, kásibı daıyndyq talaptarynyń saqtalýyn baqylaýdy júzege asyrýda., dep habarlaıdy aqshamnews.kz Polisia.kz-ke silteme jasap.
– Ártúrli menshik nysanyndaǵy obektini joǵary, bilikti kúzetpen qamtamasyz etý – qaladaǵy zańdylyq pen quqyq tártibin saqtaýda jáne qylmyspen kúreste úlken kómek ekenin birneshe ret aıtqanbyz. Tájirıbede kúzetshilerdiń quqyq buzýshylyqty toqtatyp, qylmysty ashýǵa kómektesken jaǵdaılary kezdesedi. Sondyqtan bilikti kadrlardy qalyptastyrý óte mańyzdy. Keıde azamattardyń qaýipsizdigi men ál-aýqaty kúzetshilerdiń jedeldigi men tabandylyǵyna baılanysty bolady, – dedi Almaty qalalyq PD kúzet qyzmetin qadaǵalaý basqarmasynyń bastyǵy Nurbol Qamaýbaev.
Spıkerdiń aıtýynsha, kúzet kompanıalary óz qyzmetkerlerin kásibı daıyndaýǵa, atap aıtqanda, dene jattyǵýy, órtke qarsy jáne medısınalyq daıyndyqtan ótkizýge mindetti. Sonymen qatar lańkestik qaýipterge áreket etý boıynsha sabaqtar toptamasy uıymdastyryldy.