Almatyda alty páter urlyǵyna qatysy bar kúdikti ustaldy
Almaty oblysynyń buryn sottalǵan 38 jastaǵy turǵyny shaharda 6 urlyq jasady degen kúdikke ilindi, Almaty-akshamy.kz Polisia.kz-ke silteme jasap.
«Úı ıeleriniń úıde joqtyǵyna kóz jetkizgen er adam jeke úılerdiń terezeleri arqyly kirip, aqsha, elektronıka, zergerlik buıymdardy, bir sózben aıtqanda, qolyna ilikkenniń bárin urlaǵan. Ol kezekti urlyqtan keıin ustaldy. Onyń ýaqytsha turǵylyqty jerin tintý barysynda kiltter, uıaly telefondar, túrli operatorlardyń SIM-kartalary, bank kartalary tabylyp, tárkilendi. Qazirgi ýaqytta qaskóıdiń qylmystyq áreketiniń qosymsha epızodtaryn qujattandyrýǵa baǵyttalǵan qajetti tergeý jáne basqa da prosesýaldyq áreketter júrgizilýde. Barlyq faktiler boıynsha qylmystyq ister qozǵalyp, QR QK-niń 188-baby 3-bóliminde kózdelgen qylmys belgileri boıynsha bir óndiriske biriktirildi. Kúdiktige qatysty qamaýǵa alý túrindegi bultartpaý sharasy qoldanyldy», – dedi Alataý aýdandyq Polısıa basqarmasynyń bastyǵy İlıas Ómirserikov.