Oqytý eki tilde ótedi.
Úmitkerlerde jumys istep turǵan bıznestiń bolýy shart, dep habarlaıdy Almaty-akshamy.kz
Almaty qalasynyń kásipkerler palatasynda mentorlyq súıemeldeýge irikteý 22 jáne 25 mamyrda ótti.
Mentordyń oqý kýrsyna qatysam deıtinder kóp boldy. Oqý kýrsyna 51 qyz-kelinshek ótti.
Eske sala ketsek, bul qyzmet "Men kásipker" jobasynyń áıelder kásipkerligin damytý ortalyǵynyń baǵyty boıynsha kórsetiledi.
"Mentorlyq baǵdarlamasy óziniń tıimdiligin kórsetti. Ótken jylǵy 25 mentor búgin de óz bıznesterin tabysty júrgizip jatyr. Tálimgerlikpen kásip bastaý, bıznesti tıimdi júrgizý óte yńǵaıly. Ár qatysýshyǵa mentorlyq súıemeldeý osy jyldyń sońyna deıin kórsetiledi. Bıyl qatysýshylardyń sany eki ese kóp, olar eki topqa bólinedi", – dedi Almaty isker áıelder keńesiniń tóraıymy Aqerkin Eralıeva.
Baǵdarlama tálimgerleri "Kemel ustaz" oqý-ádistemelik ortalyǵynyń jetekshisi Nursulý Orazbaeva jáne QBTÝ ýnıversıtetiniń senor-lektory, "Nativa Language Solution" oqý ortalyǵynyń dırektory Alýa Nurbaeva bolyp belgilendi.
Tálimgerler bıznes basshylarynyń biliktiligine baǵalaý júrgizedi, sondaı-aq biliktilik pen daǵdylardy odan ári arttyrý boıynsha usynystar men jumys josparyn ázirleıdi.
"Jobanyń maqsaty – kásipker áıelderdi bıznes júrgizý daǵdylaryna úıretý, masshtabtaý jáne damytý, kásipker áıelderdi baǵdarlama sheńberinde bıznes júrgizýge súıemeldeý, oqytý jáne tálimgerlik. Bul qyzmetterdiń barlyǵy óteýsiz negizde kórsetiledi", – dep atap ótti Almaty qalasy kásipkerler palatasynyń tóraǵasy Áýez Táımbetov.