Almatyda eki jyl ishinde Erbolat Dosaevtyń tapsyrmasy boıynsha 500 shaqyrymnan astam atvosýarý jáne tamshylatyp sýarý jelileri ornatyldy
Almatyda jasyl jelekterdi kógaldandyrý jáne olarǵa kútim jasaýdy jaqsartý boıynsha júıeli jumys jalǵasýda. Ákim Erbolat Dosaevtyń tapsyrmasy boıynsha eki jyl ishinde qalada 500 shaqyrymnan astam avtosýarý jáne tamshylatyp sýarý jelileri ornatyldy.
2025 jyly taǵy 290 shaqyrym avtomattandyrylǵan sýarý júıesin paıdalanýǵa berý josparlanýda, bul mıllıon aǵashqa kútim jasaýǵa múmkindik beredi. Bul sheshim qalanyń turaqty jáne salaýatty jasyl ınfraqurylymyn qalyptastyrýdyń keshendi tásiliniń bir bóligi boldy.
Aǵash kútiminde zamanaýı tehnologıalardy qoldaný aıtarlyqtaı nátıje berdi: eger 2022 jyly kóshetterdiń túsý deńgeıi 30% bolsa, 2024 jylǵa qaraı bul kórsetkish 10% - ǵa deıin tómendedi.
Sonymen qatar, búgin Almatynyń jańa dendrologıalyq jospary ázirlenýde. Onyń aıasynda aǵashtardyń aǵymdaǵy jaı-kúıin baǵalaı otyryp jáne ekpelerdiń bıologıalyq turaqtylyǵyn arttyrý boıynsha naqty sharalar ázirleı otyryp, qalanyń jasyl qoryna tolyq túgendeý júrgiziletin bolady.
Sýarý júıelerin keshendi jańartý jáne kógaldandyrýǵa ǵylymı kózqaras jasyl aımaqtar landshaft elementine ǵana emes, ómir sapasynyń negizgi faktoryna aınalatyn jaıly jáne ekologıalyq taza qalalyq ortany qurýǵa baǵyttalǵan.