Bul - jyl basynan beri ishimdik iship kólikke otyrǵandar kórsetkishi.
Almaty polısıasy jol qozǵalysyna qatysýshylardy jaýapkershilikti arttyrýǵa shaqyrady, dep habarlaıdy Almaty-akshamy.kz Polisia.kz-ke silteme jasap.
"Buǵan deıin habarlanǵandaı, Almatyda qaladaǵy jol qaýipsizdigin qamtamasyz etýge jáne jol-kólik oqıǵalaryn azaıtýǵa baǵyttalǵan “Quqyqtyq tártip” jáne “Nazar aýdaryńyz! Balalar!”, respýblıkalyq jedel aldyn alý is-sharasy birneshe kezeńmen ótýde. Jyl basynan beri aldyńǵy saptaǵy polısıa bólimsheleri qala joldarynda 497 mas júrgizýshini ustap, kólik júrgizý quqyǵynan shettetti. Sonymen qatar áınekterin qarańǵylap alǵan 2 myń 880 avtokólik jáne SGÝ zańsyz ornatqan 25 kólik ustaldy. Quqyq buzýshylarǵa shara qoldanyldy", – dedi JPQB mamandandyrylǵan batalóny komandıriniń orynbasary Áljan Kenjebaev.
Spıkerdiń aıtýynsha, osy jáne basqa da, tipti bolmashy quqyq buzýshylyqtar jalpy qaladaǵy jol qozǵalysy jaǵdaıyna keri áserin tıgizedi.
"Júrgizýshilerdiń mádenıeti men tártibi mańyzdy ról atqarady. Jol qatelik pen salǵyrttyqty keshirmeıtini belgili. Mundaı reıdter aldaǵy ýaqytta da jalǵasyn tabady. Sondyqtan jol qozǵalysyna qatysýshylardy JQE qatań saqtaýǵa jáne bir-birine qurmetpen qaraýǵa shaqyramyz", – dedi Áljan Kenjebaev.