Almatynyń ákimshilik polısıasynyń málimetinshe, mopedti tirkeý naýqany bastalǵaly beri 500-den astam moped qoldanýshy bul prosedýradan ótken: olar kólik quralynyń memlekettik nómirin, tehnıkalyq tólqujatyn aldy jáne jol qozǵalysynyń basqa qatysýshylary sıaqty zańdy jaýapkershilikke tartylady, dep habarlaıdy aqshamnews.kz.
– Sonymen qatar moped júrgizýshileriniń A1 júrgizýshi sanaty bolýy kerek ekenin eske salamyz. Osy jyldyń 5 sáýirinen bastap mopedterdi mehanıkalyq kólikterge teńestiretin zańnamalyq túzetýler kúshine enedi. Osy kúnnen bastap mopedterdi polısıada tirkelgennen keıin jáne tıisti júrgizýshi kýáligi bolǵannan keıin ǵana paıdalanýǵa ruqsat etiledi, - dedi Almaty qalalyq PD ákimshilik polısıa basqarmasy Prosesıng ortalyǵynyń basshysy Aıdyn Merkimbaev.
Buryn habarlanǵandaı, ótken jyly “Jol qozǵalysy týraly” zańǵa ózgertýler engizilgen bolatyn. Negizgi maqsat – mopedterdi paıdalanýdy retteý. Endi moped júrgizýshileri jol qozǵalysynyń tolyqqandy qatysýshylary jáne olarǵa barlyq zań talaptary qoldanylady.