Almaty qalasy mektepterindegi oryn tapshylyǵy málelesin sheshý maqsatynda, megapolıste bilim ordasyn salý qarqyndy júrip jatyr. Bıyl 1 qyrkúıekte Almaty qalasynda 17 mektep paıdalanýǵa berildi. Onyń ishinde 1500 orynǵa arnalǵan 1 memlekettik bilim uıasy («Qaırat» yqsham aýdany) jáne 3059 oqýshyny qamtıtyn 16 jeke mektep bar. Sondaı-aq jumys istep turǵan 4029 oryndyq 5 mektep boıynsha qosymsha qurylystyń (№148, №48, №9, №101, №65 mektepter boıynsha) qurylysy aıaqtaldy.
Sonyń biri - №148 mektep-gımnazıasynyń ǵımaratynda 300 oryndyq 3 qabatty qosymsha qurylystyń qurylysy aıaqtalyp, paıdalanýǵa berildi. Mektep ǵımaratynyń qosymsha qurylysy 2022 jyldyń qyrkúıek aıynda bastalyp, bıyl qyrkúıek aıynda jóndeý jumystary tolyǵymen aıaqtaldy.
Búgingi tańda mektepte 2 066 bala oqıdy.Mekteptiń jańa oqý ǵımaratynda oqý jáne mýltımedıalyq kabınetter, kıim iletin jer, fızıka-hımıa zerthanasy, medıateka, oqý zaly, logoped jáne psıholog kabıneti qarastyrylǵan. Sonymen qatar, mektep aýmaǵynda jańa fýtbol, basketbol jáne vorkaýt alańdary ornatylǵan.
Sonymen qatar 300 oryndy qamtıtyn №65 mektep, 250 orynǵa arnalǵan №48 mektep, 120 orynǵa arnalǵan №9 mektep-ınternaty jáne №101 mekteptiń májilis zalynyń da qosymsha qurylys jumystary sátti aıaqtalyp, tolyǵymen paıdalanýǵa berildi.
Qosymsha qurylystyń salynýy mekteptegi oqýshy oryndarynyń tapshylyǵyn azaıtýǵa kómektesedi. Qazir Almatyda 215 memlekettik mektep jumys jasaıdy. Oqýshy ornynyń tapshylyǵy 30 myń oryndy quraıdy. Osy maqsatta aldaǵy ýaqytta taǵy 6 mektep ǵımaratyna (№195, №174, №58, №198, №99, №16 mektepter boıynsha) qosymsha qurylys jumystary bastalady dep josparlanýda.