Almaty jasyl jelekke oranady
Megapolısti qalpyna keltirý jáne odan ári damytý boıynsha Memleket basshysynyń tapsyrmasyn oryndaý úshin Almatynyń 2022 jylǵa arnalǵan búdjetin naqtylaý boıynsha máslıhattyń XVI sesıasy ótti, dep habarlaıdy Almaty-akshamy.kz.
Qala ákimi Erbolat Dosaevtyń aıtýynsha, qazir Almatyda 2,6 mıllıon aǵash bar. Qalada saıabaqtar men skverler azdyq etip otyr.
«Saıabaq, skverler men jaıaý júrginshiler aımaqtary jetispeıdi. Almatynyń árbir besinshi aǵashy álsiz. Memleket basshysynyń bastamasymen 2020 jyldan bastap Almatyda 1 mln aǵash otyrǵyzý baǵdarlamasy júzege asyrylýda, onyń aıasynda bıyl qala boıynsha 350 myńǵa jýyq kóshet otyrǵyzý josparlanýda», – dedi Erbolat Dosaev.
Almatynyń jasyl qoryn jaqsartý úshin aldaǵy eki jyl ishinde ákimdik 1 mln aǵash otyrǵyzýdy josparlap otyr.
«Osyǵan baılanysty, "Jasyl qala" mártebesin saqtaý jáne arttyrý úshin naqtylaý aıasynda Alataý aýdanynda tamshylatyp sýarýdy damytýǵa 332,3 mln teńge qarastyrýdy usynamyz», – dedi megapolıs basshysy.