Almatyda jańa oqý jylyna daıyndyq aıaqtalyp keledi. 2024 jyldyń 2 qyrkúıeginen qalada 308 519 oqýshy jańa oqý jylyn bastaıdy, bul ótken jylmen salystyrǵanda 8 myńǵa kóp, dep habarlaıdy aqshamnews.kz.
Mundaı derekterdi ÓKQ brıfıńinde qala ákiminiń orynbasary Ásem Núsipova keltirdi. Bıyl barlyǵy 28 144 bala birinshi synypqa barǵaly otyr.
«Bıylǵy jyly oqýshylar kontıngentiniń ósýi 8 myń balany quraıdy, bul ótken jyldyń kórsetkishterinen 15% – ǵa tómen», - dep atap ótti ol.
Sonymen qatar, jergilikti búdjetten jalpyǵa birdeı bilim berý qoryna 1,6 mlrd teńge bólindi, bul balalardy mektep formasymen jáne keńse taýarlarymen qamtamasyz etýge múmkindik beredi.
«Búgingi tańda mektep formasyn, aıaq kıimdi, sporttyq kıimdi jáne keńse taýarlaryn satyp alýǵa 55 myń teńgeden 12 684 muqtaj bala qarjylaı kómek aldy», - dep atap ótti ol.
Sonymen qatar, demeýshiler men mesenattar tarapynan kómek kórsetý boıynsha jumystar júrgizilýde. 1 tamyzda HÁOT sanatyndaǵy balalardy mektep formasymen jáne kerek-jaraqtarymen qamtamasyz etý boıynsha dástúrli jyl saıynǵy «Mektepke jol» respýblıkalyq aksıasy bastaldy. Naýqan 30 qyrkúıekke deıin jalǵasady.
Osylaısha, demeýshiler men mesenattar esebinen jalpy somasy 275 mln. teńgege 5010 balaǵa kómek kórsetildi.