3-8 tamyz aralyǵynda Almaty Creative jańa Creative Boost akselerasıalyq baǵdarlamasyn iske qosady
«Almaty Creative» kreatıvti ındýstrıalardy damytý ortalyǵynyń bazasynda kreatıvti saladaǵy startaptar men shaǵyn kásiporyndardy damytýǵa baǵyttalǵan eki aptalyq creative Boost oqytý baǵdarlamasy ótedi, dep habarlaıdy aqshamnews.kz
«Creative Boost-talantty adamdar úshin ózderiniń órshil jobalaryn júzege asyrý jolynda qadam jasaý múmkindigi. Shyǵarmashylyq ındýstrıanyń ósý úshin úlken áleýeti bar ekenine senimdimiz. Bizdiń baǵdarlamaǵa qatysqysy keletinderdiń barlyǵyn kútemiz», - dep atap ótti «Almaty Creative» kreatıvti ındýstrıalardy damytý ortalyǵy bas dırektorynyń m.a. Baqyt Elýbaeva.
Akselerasıalyq baǵdarlamaǵa sarapshylardyń sheberlik synyptary men semınarlary, isterdi taldaý jáne pıchıng kiredi. Úzdik bes joba óz ónimderin seriktester men áleýetti ınvestorlar aldynda tanystyrýǵa múmkindik alady.
Baǵdarlamaǵa myna silteme boıynsha tirkelýge bolady: https://techconf.kz/accelerator
Esterińizge sala keteıik, ótken jyly «Almaty Creative» kreatıvti ındýstrıalardy damytý ortalyǵy Zhasa kreatıvti bilim berý festıvalin ótkizdi. Master-klass qatysýshylarymen kıno, mýzyka, teatr, dızaın, sáýlet, jańa medıa, Óner jáne ádebıet sıaqty kreatıvti salalardyń 20-dan astam sarapshylary óz tájirıbelerimen bólisti.