Dástúr boıynsha Almaty qalalyq PD-da departament bastyǵy Arystanǵanı Zapparovtyń qatysýymen saltanatty shen tabystaý rásimi ótti.
Qaladaǵy tártipti táýlik boıy qamtamasyz etetin ofıserler qataryna jas jigitter men qyzdar qosyldy: 30 tártip saqshysy leıtenant shenin aldy, dep habarlaıdy Almaty-akshamy.kz.
«Azamattardyń qaýipsizdigin qamtamasyz etý, alǵy shepte qylmyspen kúres júrgizý mindeti sizderge artylady. Árqaısyńyz júregińizdiń únimen, janyńyzdyń qalaýymen qazaq polısıasynyń qataryn tolyqtyrdyńyzdar. Anttaryńyzǵa, halqyńyzǵa adal bolyńyzdar! Sizderdi ómirlerińizdegi aıtýly kúnmen shyn júrekten quttyqtaımyn, qurmetti áriptester», – dedi Arystanǵanı Zapparov.