Jeke tasymaldaýshy «Madına» JSHS syıymdylyǵy úlken (100 adamǵa deıin) Yutong markaly gazben júretin 30 jańa avtobýs (avtobýstyń uzyndyǵy – 12 metr) satyp aldy. Barlyq avtobýs tómen edendi, kondısıonermen jáne peshpen jabdyqtalǵan, dep habarlaıdy almaty-akshamy.kz https://t.me/almaty_akimat silteme jasap
Atalǵan avtobýstar esebinen №128 jáne №72 marshrýttar jańartylady. №128 marshrýtta 17, al №72 marshrýtta 9 avtobýs jańartylady. Qoldanystaǵy avtobýstar №25 marshrýtqa baǵyttalady.
Jalpy, sýbsıdıalaý sharty boıynsha tasymaldaýshylar ár 7 jyl saıyn jańa avtobýstar satyp alady. Bıyl jeke avtoparkter 355 jyljymaly birlik satyp aldy, sonyń esebinen 22 marshrýt jańartylyp, 9 jańa marshrýt iske qosyldy.
Anyqtama úshin:
Jańa marshrýttar: № 9, 43, 49, 213, 223, 230, 233, 236, 240.
Jańartylǵan marshrýttar: № 8, 13, 15, 17, 24, 29R, 37, 38, 46, 47, 53, 65, 69, 88, 109, 115A, 119, 122, 125, 131, 207, 212.