Naýryzbaı aýdanyndaǵy «Nurly dala» turǵyn úı keshenine tirshilik kózi arnaıy kóliktermen jetkizilýde.
Dese de, barlyǵyna birdeı jetpeıdi. Turǵyndar shildeniń shilińgir ystyǵynda jýynyp-shaıynýdan qalǵanyn aıtyp shaǵymdanýda, dep habarlaıdy Almaty-akshamy.kz
Onyń ózine qol jetkizý úshin saǵattap kezekke turý qajet. Jaǵdaıdy paıdalanyp, mańaıdaǵy dúkender de aýyz sý baǵasyn qymbattatyp jibergen. Sharasyz turǵyndar tipti aryqtan ákelingen sýdy da paıdalanǵan.
«Qalpyna keltirý jumystary túnnen tańerteńge deıin josparlanǵan bolatyn. Alaıda sýyq sýdy óshirý qıyndaýyna baılanysty jumystar uzaq ýaqytqa sozyldy. Búgin qubyrdy tolyqtaı jóndep, aýyz sýdy berdik», - deıdi Naýryzbaı aýdandyq turǵyn úı-kommýnaldyq sharýashylyq bóliminiń bas mamany Farhad Jańbyrov.
Turǵyndar ystyq sýdan da qaǵylǵan. Ákimdiktegilerdiń aıtýynsha, qazir jylytý maýsymyna daıyndyq jumystary júrip jatyr. Sondyqtan ol tamyz aıynda qosylady deıdi. Al, jıi sónetin jaryq máselesine osyǵan deıin oryn alǵan apattar sebep. Aldaǵy ýaqytta mundaı jaǵdaı qaıtalanbaıdy dep sendirdi.