Almatyda 25 aqpanda Winter Run 2024 marafony ótýine baılanysty birneshe jol jabylady, dep habarlaıdy Almaty-akshamy.kz.
«Almatyda 25 aqpanda Winter Run 2024 qalalyq qysqy jarysty ótkizýge baılanysty ál-Farabı dańǵylynyń soltústik jaǵymen Meńdiqulov býlvarynan Esentai Mall-ǵa deıin 07:50-den 10:45-ke deıin, 08:30-dan 10:30-ǵa deıin ál-Farabı dańǵylymen Esentai Mall-dan Gagarın dańǵylyna deıin qozǵalys jabylady», dep habarlady Almaty qalalyq ákimdigi.
Jarys kezinde ál-Farabı dańǵylynyń ońtústik bóligi kólik qozǵalysy úshin ashyq bolady. Balama jol shyǵys baǵytta Tımırázev kóshesi arqyly uıymdastyrylady.
Sonymen qatar ál-Farabı dańǵylynan Gandı kóshesine deıingi Batys Jeltoqsan kóshesiniń ýchaskesi saǵat 04:00-den 12:00-ge deıin jabylady.
Ákimdik jarys kúni birqatar qoǵamdyq kóliktiń de qozǵalysy saǵat 6:00-den 11:00-ge deıin ýaqytsha ózgertiletinin málimdedi.