25 tamyzda Respýblıka saraıynda Almaty qalasy pedagogtarynyń tamyz forýmynyń plenarlyq otyrysy ótti, dep habarlaıdy Almaty-akshamy.kz.
Bıyl forým onlaın formatta 3 myńǵa jýyq pedagog pen 20 myńnan astam muǵalimdi biriktirdi. Forýmnyń taqyryby: «Bilimdi ult: bilimge umtylý, eńbeksúıgishtik jáne patrıotızm».
Forýmnyń plenarlyq otyrysyna Almaty qalasynyń ákimi Erbolat Dosaev, Oqý-aǵartý mınıstri Asqat Aımaǵambetov, Sıngapýr muǵalimder odaǵynyń bas hatshysy Maık Tırýman, Helsınkı qalasy bilim departamentiniń qyzmetterdi damytý bóliminiń basshysy Mare Kıllonen, bilim berý salasyndaǵy qazaqstandyq jáne sheteldik sarapshylar qatysty.
Otyrys barysynda aldaǵy oqý jylynda qala mektepterinde bilim berý sapasyn arttyrý joldary talqylandy. Qalalyq bilim basqarmasynyń aqparaty boıynsha, búginde barlyq memlekettik mektepterdi sharýashylyq júrgizý kásiporyndaryna (SHJQ) kezeń-kezeńimen kóshirý júrgizilýde. Aǵymdaǵy jyly qalanyń 210 memlekettik mektebiniń 76-sy sharýashylyqty júrgizý túrine kóshedi.
Osy ózgeristerge baılanysty muǵalimderdiń biliktiligin arttyrýǵa erekshe kóńil bólinedi – pedagogterdi oqytý formaty túbegeıli qaıta qaraldy, onyń aıasynda olar úshin halyqaralyq taǵylymdamany uıymdastyrý josparlanýda. Jańa oqý jyly ishinde 50 pedagog qyzmetker Fınlándıa men Estonıanyń jetekshi mektepterinde taǵylymdamadan ótedi. 2023 jyldan bastap muǵalimderdi ınklúzıvti bilim berý boıynsha oqytýdyń arnaıy baǵdarlamasy bastalady. Baǵdarlamaǵa kolej oqytýshylary da qatysady.
Plenarlyq otyrystyń qorytyndysy boıynsha, Oqý-aǵartý mınıstri Asqat Aımaǵambetov 15 pedagogti vedimistik nagradalarmen marapattady, Almaty qalasynyń ákimi Erbolat Dosaev «Bilim-ınnovasıa» lıseıiniń dırektoryna «Orta bilim beretin úzdik uıym» baıqaýynyń jeńimpazy retinde 48 mln teńge kólemindegi sertıfıkatty, sondaı-aq halyqaralyq olımpıadalardyń júldegerlerin daıyndaǵan qalanyń bes úzdik muǵalimine 2021-2022 oqý jylynyń qorytyndysy boıynsha 500 myń teńgeden aqshalaı syılyqty tabys etti.
Pedagogıkalyq qyzmetkerlerdiń tamyz forýmy aıasynda qalanyń bilim berý júıesi jumysynyń 11 baǵyty boıynsha stend-kórme ótti.