Almaty qalasynda 21 jáne 22 naýryzda Panfılov jaıaý júrginshiler kóshesinde Nauryz Almaty Vibe festıvali uıymdastyrylady, dep habarlaıdy aqshamnews.kz
Bul sharada qala turǵyndary men qonaqtaryn robottar men vırtýaldy avatarlar qarsy alady. Gastronomıalyq aımaqta robot daıashylar, robot aspazdar jáne robot barıstalar óz qyzmetterin usynady. Sondaı-aq, Panfılov kóshesinde kınetıkalyq týnel paıda bolady, ol festıválge kelgenderge erekshe áser qaldyrady.
Festıválge qatysýshylar ıntellektýaldyq «Oı-Dýman» oıynyna qatysyp, robototehnıka kórmesin tamashalap, sadaq atyp, jasandy ıntellekttiń kómegimen merekelik fotolar túsire alady. Kireberiste ornalasqan LED-ekran arqyly Ǵalymjan atty vırtýaldy avatar qonaqtarǵa merekelik baǵdarlama týraly aqparat beredi.
Merekelik is-shara Qabanbaı batyr kóshesinen bastap Tóle bı kóshesine deıingi aýmaqty qamtıtyn Panfılov kóshesinde ótedi.
Kirý tegin.