Qalanyń 2025-2027 jyldarǵa arnalǵan tıisti búdjeti Almaty máslıhatynyń sesıasynda qabyldandy.
Esterińizge sala keteıik, Almaty qalasynyń «Mektep avtobýsy» jobasy Qazaqstanda alǵash ret 2023 jyly Almaty ákimi Erbolat Dosaevtyń tapsyrmasy boıynsha iske qosylǵan bolatyn.
Jobanyń ekinshi kezeńi aıasynda aǵymdaǵy jyly oqýshylardy tasymaldaý úshin qosymsha 100 avtobýs satyp alyndy. Osylaısha, qazir 200 avtobýs 51 mekteptiń 9 myńnan astam oqýshysyn tasymaldaıdy. Kelesi jyly Almaty ákimdiginiń jobalyq keńsesiniń qoldaýymen taǵy 100 avtobýs satyp alý josparlanýda.
Avtobýstar shalǵaı jáne jetý qıyn aýdandarda turatyn balalar oqıtyn mektepterden ótinimder túsken saıyn marshrýttarǵa shyǵady. Buǵan basymdyq beriledi, sebebi mektep avtobýstary osyǵan qaraı bólinedi. Ár mektep úshin oqýshylardyń tasymaldanýyn qamtamasyz etý úshin egjeı-tegjeıli marshrýttyq paraqtar ázirlendi.