2024 jyly Almaty qalasynda 2 mıllıon 420 myń sharshy metr turǵyn úı salyndy. Bul kórsetkish ótken jylmen salystyrǵanda azdap tómendegenimen, qurylys qarqyny joǵary deńgeıde saqtalýda. Bul týraly Aqshamnews.kz saıty habarlaıdy.
Qalalyq josparlaý jáne ýrbanıstıka basqarmasynyń basshysy Nurlan Boranbaevtyń aıtýynsha, bıylǵy jyly 2,52 mln sharshy metr turǵyn úıdi paıdalanýǵa berý josparlanyp otyr. Onyń ishinde:
🔹 435-436 myń sharshy metr – jeke turǵyn úı qurylysy (IJS);
🔹 22 500 páter – kópqabatty turǵyn úılerde;
🔹 1 500 úı – jeke sektorda.
Bul jańa baspanalar 110 myńǵa jýyq turǵyndy qamtýǵa múmkindik beredi. Sondaı-aq, 3 050 otbasy men jas maman baspanamen qamtylady. Onyń 2 000-y – áleýmettik osal toptarǵa, 1 050-i – jumys isteıtin jastarǵa beriledi.
Qalada qurylys qarqyny joǵary bolǵanymen, bilikti mamandarǵa suranys artyp keledi. Almatınskıı kolej arhıtektýry, dızaına ı ınjenerıı jáne Almaty qurylys-tehnıkalyq koleji osy salaǵa qajetti slesar, santehnık, dánekerleýshi, elektromontajshy, aǵash óńdeý mamandary men jyljymaıtyn múlik basqarý salasynyń kadrlaryn daıarlaýda.
Kolejder qaladaǵy iri qurylys kompanıalarymen tyǵyz baılanysta jumys istep, stýdentterge óndiristik tájirıbeden ótýge múmkindik beredi. Bul Almatynyń qurylys salasyndaǵy kadr tapshylyǵyn azaıtýǵa septigin tıgizip otyr.