Qazaqstandyq belgílí rejısser Rústem Ábdírashevtíń «Fake-ovyı arman» atty jańa kartınasy 27 aqpanda prokatqa shyǵady, dep habarlaıdy aqshamnews.kz
Tuyndy qazaqtyń ūlttyq «Kókpar» oıynyn jaqsy kóretín aǵaıyndy ekí jígít Qūrmash pen Bahanyń ómírí turaly.
«Tuyndy kókpar dese íshken asyn jerge qoıyp, bír ıyǵyn beríp tūratyn jígítterdíń tartysyn suretteıdí. Shyǵarmashylyq ūjym ūlttyq fılmde ūlttyq qūndylyqtardyń kórínís tabuyna erekshe basymdyq berdí. Qazaqylyqtyń ıísí ańqyǵan tuyndy kóp ūzamaı prokatqa shyǵyp, kórermenge ūsynylatyn bolady», – dedí rejısser.
Fılm jelísí boıynsha aǵaıyndy Baha pen Qūrmashty batyldar men eptíler oınaıtyn kókpar saıysynyń erkíndígí ózíne tartady. Aǵaıyndylardyń kíshísí Qūrmash kurer bolyp jūmys ísteıdí. Qūrmashtyń kúndelíktí jūmysy arqyly kórermen kurerlík ístíń barlyq shyndyǵyn baǵamdaıdy. Al aǵasy Baha auylda tūrady, ol – kíshígírím sharuashylyqty dóńgeletíp otyrǵan úıdíń úlkení.
Aǵaıyndy ekí jígíttíń óz ómírí, mahabbaty men armandary, oǵan jetetín ózíndík joly bar. Olar sol maqsatyna qol jetkíze ala ma, álde shynaıy qūndylyqtar arzandaǵan, gajdet-smartfondar álemínde ayalaǵan armandary aldamshy bolyp qala ma, ony fılmníń sońy kórsetedí.
Fılm Aqparat jáne mádenıet mınıstrlígí, Ūlttyq kıno ortalyǵynyń qoldauymen túsírílgen. Stsenarııín jazǵan Rústem Ábdírashev pen Ǵazız Nasyrov. Kartınanyń prodyuserlerí – Mádına Esmanova jáne Azat Japekov. Basty rólderde oınaǵandar: Erbol Semqūlov, Oljas Toǵymbet ,Erjan Túsípov, Aqbota Ábdíbek jáne Svetlana Tarasova.
