Almaty qalasy Kásipkerlik jáne ınvestısıalar basqarmasynyń derekterine sáıkes, qalada shaǵyn jáne orta kásipkerlikpen (SHOB) aınalysatyn qala turǵyndarynyń sany 872 myńǵa jetti, dep habarlaıdy almaty-akshamy.kz
Ónim óndirý kólemi 3,9 trln teńgeni qurady. Ótken jyldyń sáıkes kezeńimen salystyrǵanda ósim 1 trln teńgeni qurady.
Qazaqstanda 4 mıllıonnan astam adam shaǵyn jáne orta kásipkerlikpen aınalysady. 2023 jyldyń birinshi toqsanynda olar 13,6 trln teńgege ónim óndirdi. Jetekshi óńir - Almaty 3,9 trln teńgeni qamtamasyz etti. Aǵymdaǵy jyldyń birinshi toqsanynyń qorytyndysy boıynsha eldiń JİÓ-degi SHOB-tiń jalpy qosylǵan quny 8,6 trln teńgege jetti. Almatynyń úlesi 2,6 trln teńgeni qurady.
«Almaty mysalynda tıimdi memlekettik qoldaý jáne qolaıly bıznes-ortany qurý shaǵyn jáne orta kásipkerlik salasynyń eleýli damýyna qalaı yqpal etetini baıqalady», - dep atap ótti Kásipkerlik jáne ınvestısıalar basqarmasynda.