Almaty shaǵyn jáne orta bızneste jumyspen qamtylǵandar sany boıynsha kósh bastaýda
Almatyda 2023 jyldyń I toqsanyndaǵy málimetter boıynsha 872 myń qala turǵyny shaǵyn jáne orta kásipkerlikpen (SHOB) aınalysqan. Bul megapolıstegi barlyq ekonomıkalyq belsendi halyqtyń 79,6%-yn quraıdy. Mundaı joǵary kórsetkishter Qazaqstannyń birde-bir óńirinde joq, dep Ranking agenttigi óz zertteýlerimen bólisti, dep habarlaıdy almaty-akshamy.kz
Salystyrmaly turǵyda: Astanada osyǵan uqsas kezeńde ekonomıkalyq belsendi halyqtyń SHOB jumyspen qamtylǵandarynyń úlesi 72,8% -dy qurady. Elimizdiń basqa óńirlerinde, sonyń ishinde Shymkentte bul kórsetkish jartysyna da jetken joq. Jambyl jáne Ulytaý oblystarynda SHOB jumyspen qamtylǵandardyń úlesi – 30% - dan da tómen. Bul halyqtyń iri júıe quraýshy kásiporyndarǵa joǵary táýeldiligin kórsetedi, bul jalpy óńirlerdiń ekonomıkasy úshin de qaýipti, dep esepteıdi agenttik.
Elimizde 2023 jyldyń birinshi toqsanynyń qorytyndysy boıynsha SHOB-pen 4,1 mln adam qamtylǵan, bul ótken jylmen salystyrǵanda 14,4% - ǵa artyq. Almatydan basqa, jumyspen qamtylǵandardyń sany Astanada 499,4 myń adam jáne Túrkistan oblysynda 279 myń adam.