Almatynyń komýnaldyq ınfraqurylymdy damytý basqarmasynyń derekteri boıynsha qalada 12 836 lıft tirkelgen, onyń ishinde 6 885 birlikten astamy qalanyń turǵyn úı qorynda paıdalanylady, onyń ishinde paıdalaný merzimi 25 jyldan asatyn 180 lıft bar.
Turǵyndardyń qaýipsizdigin qamtamasyz etý maqsatynda 2023 jyly 86 kóppáterli turǵyn úıde 155 birlik lıft jabdyǵyn aýystyrý josparlandy. 2023 jyldyń sońynda jospar asyra oryndaldy, jumys qorytyndysy boıynsha 109 úıdiń 198 lıft aýystyryldy.
Azamattardyń jaıly turýy úshin turǵyn úı jaǵdaılaryn jaqsartýǵa baǵyttalǵan TKSH jańǵyrtýdyń memlekettik baǵdarlamasy aıasynda 2023 jyly «Almaty turǵyn úı» ýákiletti uıymy 95 kóppáterli turǵyn úıge kúrdeli jóndeý júrgizdi. 2024 jyly 100 kóppáterli turǵyn úıde kúrdeli jóndeý josparlanǵan.
2011-2022 jyldar aralyǵynda «Almaty turǵyn úı» ýákiletti uıymy 965 kóppáterli turǵyn úıde jóndeý jumystaryn júrgizdi jáne 907 úıde 1 935 lıft aýystyryldy.
Eske salsaq, Almatyda TKSH jańǵyrtýdyń memlekettik baǵdarlamasy júzege asyrylýda, onyń aıasynda turǵyndar úıdi 8 jyldan 15 jylǵa deıingi merzimge qaıtarymdy negizde kúrdeli jóndeýden ótkize alady. Baǵdarlamaǵa qatysý úshin turǵyndar jalpy jınalysta turǵyn úıdi jóndeý týraly sheshim qabyldaıdy, sodan keıin basqarý organy hattama men «Almaty turǵyn úı» JSHS baǵdarlamasynyń operatoryna qatysýǵa ótinim beredi.