«Qazgıdromet» RMK Qazaqstan aımaqtarynda 2024 jylǵy 8 qańtarda bolatyn qaýipti meteorologıalyq qubylystarǵa boljaý konsýltasıasyn jarıalady.
Qazaqstan aýmaǵynda atmosferalyq fronttardyń ótýimen aýa-raıynyń turaqsyz sıpaty saqtalady, jaýyn-shashyn jaýady, soltústiginde kóbinese qar burqasynmen, ońtústiginde, ońtústik-shyǵysynda negizinen jańbyr túrinde, soltústiginde, Aqmola oblysynyń ońtústiginde, túnde Qostanaı oblysynyń soltústiginde qalyń qar boljanady. Qazaqstan boıynsha tuman, kóktaıǵaq, ekpindi jel kútiledi.
Abaı oblysynyń basym bóliginde ońtústik-shyǵystan soǵatyn jel ońtústik-batysqa aýysady, oblystyń batysynda, soltústiginde, ortalyǵynda keı ýaqyttarda kúshi 30 m/s jáne odan da joǵary jel soǵady dep kútilýde.
Kúndiz Jambyl oblysynda ońtústik-batystan jel soǵady, oblystyń ońtústik-batysynda, taýly aýdandarynda keı ýaqyttarda kúshi 30 m/s jáne odan da joǵary jel soǵady dep kútiledi.
Soltústik Qazaqstan oblysynda ońtústik-batystan, batystan jel soǵady, tańerteń jáne kúndiz oblystyń ońtústik-shyǵysynda kúshi 30 m/s jáne odan da joǵary jel soǵady dep kútilýde.
Aqmola oblysynda ońtústik-batystan jel soǵady, kúndiz oblystyń ońtústik-shyǵysynda keı ýaqyttarda kúshi 30 m/s jáne odan da joǵary dep boljanýda.