Memleket basshysy Qazaqstan halqyna Joldaýynda bilim berý salasyn qoldaý saıasaty jalǵasatynyn atap ótti. Óńirlik komýnıkasıalar qyzmeti alańynda sóılegen sózinde qalalyq bilim basqarmasy basshysynyń orynbasary Qaırat Jumanov megapolıstegi bilim berý mekemeleriniń tapshylyǵy máselesi qalaı sheshilip jatqanyn aıtty, dep habarlaıdy almaty-akshamy.kz
2025 jylǵa qaraı elimizde 1000 bilim berý mekemesi salynýy tıis. Prezıdent Qazaqstan halqyna Joldaýynda osyndaı mindet qoıdy.
«Memleket basshysynyń «Halyq birligi jáne júıeli reformalar — eldiń órkendeýiniń berik negizi» atty Qazaqstan halqyna Joldaýyn iske asyrý aıasynda Almaty bilim basqarmasy josparly jumys júrgizýde. Karantındik shekteýlerge qaramastan, oqýshy oryndarynyń tapshylyǵyn azaıtý jáne bilim berý mekemeleriniń jelisin odan ári keńeıtý maqsatynda qazirgi ýaqytta 12 600 oryndyq 8 memlekettik mekteptiń qurylysy júrgizilýde», - dedi Qaırat Jumanov.
Alataý aýdanynda bes jańa mektep, Naýryzbaı aýdanynda taǵy eki, Túrksib aýdanynda bir jańa mektep ashylady. Salynyp jatqan mektepterdiń úsheýi 2021 jyldyń sońynda paıdalanýǵa beriledi (Tomırıs, Saıaly jáne Qalqaman-2 shaǵynaýdandarynda).
Sonymen qatar, bıyl mektepterdiń janynan 8 263 orynǵa arnalǵan 17 jańa korpýstyń qurylysy bastaldy, olar: №38, 60, 166, 186, 6, 132, 117, 133, 144, 121, 199, 191, 57, 177, 102, 34, 170.
«№38, 60, 166 mektepterge úsh jańa korpýstyń qurylysy jańa oqý jyly bastalǵanǵa deıin, al №6, 121, 133, 144, 170, 199 mektepterindegi 4 150 orynǵa eseptelgen japsarjaı qurylystary qyrkúıek aıynda aıaqtaldy. Sonymen birge qalǵan 8 bilim ordasyndaǵy - №34, 57, 102, 117, 132, 177, 186, №191 mektepterdegi 4 113 oqýshyǵa arnalǵan qosalqy ǵımarattyń qurylysy qarasha aıynyń sońyna deıin aıaqtalady», - dedi Qaırat Jumanov.
Osylaısha, jyl sońyna deıin 16 myńnan astam oqýshy orny iske qosylady.
Bilim basqarmasy basshysynyń orynbasary bıyl almatylyq qurylysshylardyń №7, 40, 45, 54 jáne 81 mektep ǵımarattaryn qalpyna keltirý jáne seısmıkalyq nyǵaıtý jumystaryn júrgizgenin habarlady. 48 mektepti qaıta qurý, №9, 43 mektepterge qosymsha qurylystar salý jáne №129, 145, 166 mektepterdi seısmıkalyq kúsheıtý boıynsha jumystar bastaldy.