Bul týraly Almaty ákimi Erbolat Dosaev aıtty.
Búgin shahar basshysy QR Prezıdenti janyndaǵy Ortalyq komýnıkasıalar qyzmetiniń aqparattyq alańynda Almaty ákimi Erbolat Dosaevtyń qatysýymen baspasóz máslıhaty ótip jatyr. Onda ákim Almaty qalasynyń 2040 jylǵa deıingi Bas jospary jaıly sóz qozǵady, dep habarlaıdy Almaty-akshamy.kz.
2023 jylǵy 3 mamyrda Úkimettiń qaýlysymen Almaty qalasynyń 2040 jylǵa deıingi Bas jospary bekitildi. Bas jospar «Almaty qalasynyń 2025 jylǵa deıingi damý baǵdarlamasyn jáne 2030 jylǵa deıingi orta merzimdi perspektıvalardy» eskere otyryp, polısentrızm prınsıpterine negizdelgen.
«Bas josparda 2040 jylǵa qaraı halyq sanynyń 3 mln. adamǵa deıin kóbeıý boljamyn jáne ekonomıkanyń ortasha jyldyq 5%-ke ósýin eskere otyryp, 5 polısentr qurylymyn birkelki qalyptastyrý qarastyrylǵan. Bilim berý jáne densaýlyq saqtaý obektileri qadamdyq qoljetimdi bolady. 200 jańa mektep jáne 80-nen astam medısınalyq mekeme salynady. Qoǵamdyq kóliktiń úlesi 60%-ke deıin ulǵaıtylady (2023 j. – 35%). 210 km jańa joldar, 3,6 myń km ınjenerlik jeli jáne aýdany 2 750 ga jańa saıabaqtar men skverler salynady (2023 j. – 1 100 ga)», - dedi E.Dosaev.
Bas jospardy iske asyrý áleýmettik jáne ınjenerlik-kólik ınfraqurylymyn eskere otyryp, Almaty qalasy aýmaǵynyń úılesimdi damýyn qamtamasyz etedi.