Almatyda 20-dan astam adamdy aldap ketken alaıaq ustaldy.
Almaly aýdandyq polısıa basqarmasyna 20-dan astam jábirlenýshi alaıaqtyq týraly aryzben júgingen. Tártip saqshylarynyń aıtýynsha, Iý.esimdi azamat ınvestısıalyq kompanıaǵa salym salýdy syltaý etip, qomaqty qarjy jınaǵan, dep habarlaıdy Almaty-akshamy.kz Polisia.kz-ke silteme jasap.
Aqshany alǵannan keıin ol belgisiz baǵytta jysyrynǵan. Al túsken qarajatty óz qalaýy boıynsha paıdalanǵan.
«Jedel izdestirý is-sharalary barysynda “klıentterden” qashyp, Taraz qalasyna barǵan 30 jastaǵy Reseı Federasıasynyń týmasy ustaldy. Qazir qyzmetkerlermen alaıaqtyqtyń 30 deregi dáleldendi. Ol boıynsha sotqa deıingi tergeýdiń biryńǵaı tizilimine QR QK-niń 190-baby 3-bóliginiń 4- tarmaǵyna sáıkes qylmystyq is qozǵaldy», – dedi Almaly aýdandyq polısıa basqarmasynyń bastyǵy Esen Ysqaqov.
Jedel qyzmetkerler aldanǵan adamdardyń budan da kóp ekenine senimdi. Ustalǵan azamattyń sýretin muqıat qarap shyǵýlaryńyzdy jáne osy adamnyń áreketinen zardap shekkenderdiń barlyǵy myna telefon nómirleri arqyly habarlasýlaryńyzdy suraımyz: 8-705-555-7763; 8-775-747-7778.