Almatyda Baıqadamov pen Gagarın kósheleriniń qıylysynda 1984 jyldan beri paıdalanylyp kele jatqan qubyr aýystyryldy. Ýchaskeniń uzyndyǵy 1220 metrdi qurady.
Bul qubyr 97 kóppáterli turǵyn úıdi, 12 jeke úıdi, 4 balabaqshany, 2 densaýlyq saqtaý obektisin jáne 27 ózge de nysandy jylýmen jáne ystyq sýmen qamtamasyz etedi. Atalǵan tutynýshylarǵa rekonstrýksıa júrgizý kezeńinde ystyq sýmen jabdyqtaý saqtaldy.
Jalpy, qalada aǵymdaǵy jyly Almaty ákimi Erbolat Dosaevtyń tapsyrmasy boıynsha 20 km jylý jelisin qaıta jańartý josparlanýda. Almatynyń 6 aýdanynda jylý aralyq kezeńge josparlanǵan rekonstrýksıa bekitilgen kestege sáıkes júrgiziledi. Onyń negizgi bóligi sońǵy kezeńge ótti.
Esterińizge sala keteıik, qozǵalystardy shekteýge qatysty barlyq aqparat Almaty.kz saıtynda, @AlmatyJoly Telegram-arnasynda, aýdandyq ákimdikter men basqarmalardyń áleýmettik jelilerinde, sondaı-aq «2GIS» jáne «Iandeks kartalar» servısterinde bar.