Qazaqy nyshandaǵy kıimderdi kıý dástúrin Medeý aýdanynda ornalasqan 163 mektep-lıseıi dástúrge aınaldyrýda, dep habarlaıdy almaty-akshamy.kz
Qazaq úlkenge-qurmet, kishige izet kórsetip, saltyn saqtaǵan, dástúrin ulyqtaǵan el. Sonaý yqylym zamannan saqtalǵan nebir salt-dástúri, án-jyry, ózine laıyq kıimi bolǵan. Kóńili daladaı darhan, qushaǵyn ózge ult ókilderine de aıqara ashatyn halqymyzdy erekshelep turatyn — sol kıimderi.
Ásemdikke, ádemilikke jany qumar halqymyz kıimniń kóztartarlyq bolǵanyna asa qatty mán bergen. Kıimniń árbirine «qazaq» ekendigimizdi aıqyndaı túsýi úshin túrli oıýlar salyp tikken. Oıýdyń jasalýyna, órnegine qarap árqaısysyna at bergen.
Mysaly: arqar múıiz, qoshqar múıiz, aı syrǵa syndy oıý túrleri bar. Ózderi kóshpeli qazaq atanyp, taýdan syrǵa, syrdan qyrǵa kóship júrse de, ústinen oıýly shapany men saptama etigin, basynan oıýly kıiz qalpaǵyn tastamaǵan. Qyzdarymyz oıýmen ádiptelgen búrmeli etek kóılegine saı qamzol kıip, shashyna da oıýly sholpy taǵyp, kúlkileri syńǵyrlap qazaq qyzyna tán sypaıylyqpen kıingen.
Sońǵy jyldarda qazaqsha kıimderdi tigý jáne kıý keńinen etek alyp keledi. Sándi úlgidegi qazaqsha kıimderdi ásirese toılarda, konsertttik baǵdarlamalarda kıetin bolsa, qazir jas qyzdar oıýly taqıa, kelinderimiz qazaqy nyshandaǵy kóılek-qamzoldardy kıip kópshiliktiń kózaıymyna aınalyp júr.
Árbir aptanyń juma kúnin «Ulttyq kıim kıý kúni» dep atady. Oqýshylar da, muǵalimder de ulttyq kıimde júrýi—óte keremet kórinis.
- Ulttyq kıim kıýge arnaıy kún arnap, ony dástúrge aınaldyrýdaǵy maqsatymyz-oqýshylardyń boıyna bilim nárimen qosa, ultqa, ulttyq qundylyqtarǵa degen súıispenshilikti qosa egý. Bala kezinen ústine qazaqsha oıýly kıimdi kıip ósken árbir jas urpaq bolashaqta elin, jerin súıip, dástúrin umytpaıtyn azamat bolaryna senimimiz mol. Bizdiń mektebimizde ult janashyrlary ósip kele jatqany biz úshin úlken maqtanysh, - deıdi mektep ákimshiligi.