Almatyda Baıqadamov kóshesindegi 1984 jyldan beri paıdalanylyp kele jatqan 1,2 shaqyrymnan astam qubyr aýystyrylady.
2024 jylǵy 12 maýsym men 15 qyrkúıek aralyǵynda Almaty qalasynyń Bostandyq aýdanynda Baıqadamov kóshesinde Rozybakıev kóshesinen Gagarın dańǵylyna deıin, sondaı-aq Radostoves kóshesinde Baıqadamov kóshesinen Jýravlev kóshesine deıin kólik qozǵalysy shekteledi, dep habarlaıdy Almaty-akshamy.kz.
Qozǵalys eki jaqqa da jabylady.
1984 jyldan bastap paıdalanýǵa berilgen, atalǵan kósheniń astyndaǵy jalpy uzyndyǵy 1220 metr qubyrdy qaıta jańartý aýmaǵynda josparly jumys júrgizý qaýipsizdigin qamtamasyz etý úshin ýaqytsha shekteýler engiziledi.
Bul qubyr 97 kóppáterli turǵyn úıdi, 12 jeke úıdi, 4 balabaqshany, 2 densaýlyq saqtaý nysanyn jáne 27 ózge de nysandy jylýmen jáne ystyq sýmen qamtamasyz etedi. Atalǵan aýmaqtaǵy tutynýshylarǵa rekonstrýksıa kezinde ystyq sý berý toqtatylmaıdy.
2024 jyly jalpy uzyndyǵy 20 km bolatyn 23 nysandy qaıta jańartý josparlanyp otyr, bul jyl saıynǵy kórsetkishten eki ese kóp. 25 jyldyq normatıvtik qyzmet etý merzimi ótken qubyrlar endi 30 nemese odan da uzaq jyl jumys isteýge arnalǵan aldyn ala oqshaýlanǵan qubyrlarǵa aýystyrylady. Bul jylý shyǵynyn, sondaı-aq jelilerdiń tozýyn shamamen 1,8% tómendetýge múmkindik beredi. Bıyl Almatyda jylýmen jabdyqtaý jelileriniń tozýy 57,9% boldy (1385,3 km-den 802,6 km).
Ýaqytsha qolaısyzdyqqa túsinistikpen qaraýdy jáne kórsetilgen ýchaskeni aınalyp ótý joldaryn aldyn ala qarastyrýdy suraımyz.
«Almaty jylý jelileri» JSHS