Memleket basshysy Qasym-Jomart Toqaevtyń tapsyrmasyn oryndaý úshin 1 qyrkúıekten bastap Qazaqstanda aı saıynǵy memlekettik stıpendıalardyń mólsheri ulǵaıady, Úkimettiń tıisti qaýlysyna QR Premer-mınıstri Álıhan Smaıylov qol qoıdy, dep habarlaıdy Almaty-akshamy.kz.
Almatyda 35 JOO men 85 kolej bar. Bul normaǵa JOO-nyń 95 myń stýdenti enedi.
Almatyda JOO 191myńǵa jýyq stýdentiniń 95 myńǵa jýyǵy joǵary stıpendıa alatyn bolady (qalǵan 96 myń-aqyly bólimde oqıtyndar):
- bakalavrıat-81,4 myń.,
-magıstratýra-8,6 myń.,
-doktorantýra-2,1 myń.,
-rezıdentýra-1,1 myń.,
-ınternatýra-1,8 myń).
Sondaı-aq, kolejderdiń 20 myń.303 oqýshysy joǵary stıpendıa alatyn bolady.
Úkimettiń baspasóz qyzmetiniń habarlaýynsha, stıpendıa mólsheri: bakalavrıat stýdentterine – 20%-ǵa, magıstratýra – doktorantýra sheńberinde oqıtyndarǵa – 15% - ǵa, TjKB stýdentterine-50% - ǵa artady. Stıpendıanyń kelesi ólshemderi belgilendi:
- doktoranttarǵa (onyń ishinde «Densaýlyq saqtaý» daıarlaý baǵyty boıynsha) – 217 500 teńge;
- «Densaýlyq saqtaý» daıarlaý baǵyty boıynsha rezıdent dárigerler men magıstranttarǵa-111 579 teńge;
- magıstrantarǵa – 97 024 tenge;
- ınternderge – 75 890 tenge;
- joǵary bilimniń bilim berý baǵdarlamalaryn iske asyratyn bilim berý uıymdarynda daıarlaýdyń pedagogıkalyq baǵyttary boıynsha jáne «Densaýlyq saqtaý» daıarlaý baǵyty boıynsha oqıtyn stýdentterge - 67 200 teńge;
- joǵary bilimniń bilim berý baǵdarlamalaryn iske asyratyn bilim berý uıymdarynda oqıtyn stýdentterge, «Densaýlyq saqtaý» baǵytyndaǵy pedagogıkalyq daıyndyq baǵyttary boıynsha oqıtyn stýdentterdi qospaǵanda – 41 898 teńge;
- jumys biliktiligi boıynsha tehnıkalyq jáne kásiptik bilim berýdiń bilim berý baǵdarlamalaryn iske asyratyn bilim berý uıymdarynda oqıtyn stýdentterge-32 681 teńge;
- tehnıkalyq jáne kásiptik (orta býyn mamandaryn daıarlaýdy kózdeıtin) bilim berý baǵdarlamalaryn iske asyratyn bilim berý uıymdarynda oqıtyn stýdentterge orta bilimnen keıingi bilim berý – 31 422 teńge.