6 aıda Almatyda mopedter men elektrosamokattardyń qatysýymen 77 jol-kólik oqıǵasy tirkelipti.
Almatyda 114 moped júrgizýshisine bir táýlikte 700 myń teńge kóleminde aıyppul salyndy, dep habarlaıdy Almaty-akshamy.kz Polisia.kz-ke silteme jasap.
Buryn habarlanǵandaı, kóktem, jaz kezinde Almaty polısıasy jekelegen kólik túrleriniń qozǵalysyn qadaǵalaýdy kúsheıtedi, bul qaladaǵy jol-kólik oqıǵalaryna da áser etedi. Másele álternatıvti kólik týraly bolyp otyr, onyń ishine moped, motosıkl, skýter, samokat jáne taǵy basqalary kiredi.
«Jazǵy kezeńniń bastalýymen mopedter men elektrosamokattardy tizgindeýshilerdiń sany artty jáne sonyń saldarynan olardyń qatysýymen bolatyn JQE buzý sany da kóbeıdi. Statısıkalyq málimetterge súıensek, mobıldi kólikterdiń qatysýymen bolǵan jol-kólik oqıǵalarynyń sany 4 esege artqan. Balamaly kólik túrlerin paıdalanatyn adamdardyń QR JQE buzý derekterin anyqtaý boıynsha jumys kúsheıtildi. Máselen, aldyn alý is-sharasynyń bir kúninde aldyńǵy sheptegi bólimsheler, moped júrgizýshileri jasaǵan QR JQE buzýdyń 114 deregin anyqtady. Quqyq buzýshylar ÁQBtK-niń 615-baby 1-bóligi boıynsha ákimshilik jaýapkershilikke tartyldy. Aıyppuldyń jalpy somasy 698 myń 364 teńgeni qurady», – dedi Almaty qalalyq PD Jergilikti polısıa qyzmeti basqarmasynyń bastyǵy Erjan Uzabaev.
Spıkerdiń aıtýynsha, bıylǵy jyldyń 6 aıynda Almatyda mopedter men elektrosamokattardyń qatysýymen 77 jol-kólik oqıǵasy tirkelip, saldarynan 81 adam jaraqat alsa, taǵy bireýi qaıtys boldy. Samokat pen skýterde balalardyń qatysýymen 21 JKO tirkelip, saldarynan 23 bala jaraqat aldy.